- 739 -

1449. Jan. 10. o. O.

Herzogin Elisabeth bestätigt die Entscheidung, wonach die Obergerichte auf den Dörfern zu Rothkirch und Fellendorf fortab der Stadt Liegnitz und nicht Vezenz Tschetschke und seinen Nachkommen zustehen.

Wir Elisabeth von gotis gnaden herczogynne in Slezien, frawe zu Legnicz vnd zum Goltberge bekennen offentlich mit disem briue vor allen, die en sehen ader horen lezen, das wir als eyne rechte erbfrawe vnd rechter richter der hernachgeschreben teile zcu vns genomen haben den wirdigen herren Niclas Tirbach ordens sanct Johannis des heiligen hawses vnd hospitalis zcu Jherusalem, in der Marcke, yn Sachsen, in Wendland, in Pomern meistern vnd gemeynen gebietiger vnd herren zu Swebissen vnd haben zcwuschen vnsern liben getrawen burgermeister vnd ratmannen vnser stat zu Legnicz an eynem vnd Veczencz Tschetschken am andern teile als von wegen der abersten gerichte vnd landfoytey off dem dorffe vnd gutern zur Rotkirchen vnd Falerdorf, darumme sie czweytrechtig woren, nach vorhorunge beider teile wissene vnd gerechtikeit irkandt vnde awsgesprochen, das Veczencz egnanter vnd seyne nachkomen der selben guter besitczer der abersten gerichte doselbist forbasmer nymmer haben sullen nach vnser egnante stat doreyn inhalden. Czu geczugnisse haben wir vnser ingesigil an disen brieff lasen hengen. Geschen vnd gegeben am freytage nach dem abersten tage vnd nach der geburd Cristi vnsers herren vierczenhundert vnd im newnvndfirczigisten jaren.

O. d. St. L. No. 396. Mit dem Wappensiegel an Schnüren von rother Seide. — Bitschens Privilegb. XVIII.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866